Напаѓачот на Милан, Златан Ибрахимовиќ се подготвува да потпише нов договор со италијанскиот клуб. Договорот ќе трае до 30 јуни 2023 година, пренесува Sky Sport Italia.
Платата на 41-годишниот шведски интернационалец ќе биде меѓу 1-1,5 милиони евра, плус бонуси кои зависат од резултатите и учинокот на Ибра.
Истиот извор наведува дека Ибрахимовиќ официјално ќе го потпише договорот со клубот кој следната сезона ќе ја брани титулата шампион на Италија.
Zlatan Ibrahimović has decided to extend his contract with AC Milan! Zlatan will continue for one more season, agreement in place until June 2023. 🚨🇸🇪 #ACMilan @SkySport
Ibrahimović suffered knee injury and his recovery will take 6/7 months but he will accept lower salary. pic.twitter.com/4SBcxgBBgV
— Fabrizio Romano (@FabrizioRomano) July 5, 2022
Швеѓанецот на крајот на мај беше опериран на коленото што му направи многу проблеми во текот на претходната сезона, а се очекува опоравувањето да трае од шест до осум месеци. Ибрахимовиќ не сакаше финансиски да ги оптоварува Росонерите при опоравувањето по операцијата, па оттука и симболичната сума на договорот, а ќе има можност да ја продолжи соработката и за вториот дел од сезоната 2022/2023.
Искусниот фудбалер се врати во Милан во 2020 година, а во кариерата играше и за Малме, Ајакс, Јувентус, Интер, Барселона, ПСЖ, Манчестер Јунајтед и Лос Анџелес Галакси. Со Милан беше шампион на Италија во 2011 година.