80
Вкупно 106 затворенички од затворот Идризово од денеска почнуваат штрајк со глад, поради писмото кое им го испрати претседателот, Ѓорге Иванов во кое објаснува дека нема да ги помилува.
Иванов, во писмото до жените, потпишано на 20 април напоменал дека одлуката за помилувањето ја донел за доброто на сите граѓани на Македонија и во интерес на државата. А, на крај ги упатува да поднесат прво молба до него, но преку судот што ја изрекол пресудата.
Во меѓувреме околу 2000 затвореници од речиси сите затвори во земјава го чекаат претседателот да им одговори на петицијата, дали ќе им ги намали казните и ќе ги помилува.
Тие минатата недела побараа намалување на 30 до 50 % од казните, затоа што шефот на државата претходно аболицираше 56 функционери.