Кошаркарите на Голден Стејт Вориорс, Њујорк Никс и Бруклин Нетс ќе мора да бидат вакцинирани за да можат да играат на домашни натпревари, одлучи раководството на НБА лигата, за што објавија бројни американски медиуми.
Според новите прописи што се во сила во Сан Франциско и Њујорк, сите луѓе над 12 години мора да бидат вакцинирани за да можат да влезат во одредени установи и да присуствуваат на одредени настани. Списокот на објекти каде се применува оваа одредба ги вклучува „Чејс Центарот“ во Сан Франциско и „Медисон Сквер Гарден“ и „Барклис Центарот“ во Њујорк.
Сите оние на кои не им е дозволено или не сакаат да се вакцинираат од оправдана медицинска или верска причина, се ослободени од оваа обврска.
Интересно е што членовите на тимот кои ќе гостуваат во овие сали се исклучени од оваа одредба.
Според спортскиот портал „Атлетик“, секој играч кој не е достапен затоа што не е вакциниран, може да биде казнет со намалување на платата, и ќе му се закани дополнителна парична казна или суспензија.
Неколку медиуми исто така објавија дека канцеларијата на НБА ги предупредила сите клубови дека сите вработени во клубот и членовите на персоналот во салите, кои ќе дојдат и ќе остварат близок контакт со играчите, мора да бидат целосно вакцинирани до почетокот на новата сезона, 19 октомври.