Игрите во Париз ќе бидат најпосетените во историјата

Организаторите на Олимписките игри во Париз официјално објавија дека е подобрен досегашниот рекорд за продадени билети во историјата на Игрите.

Неколку часа пред вечерашното свечено отворање, организаторите објавија дека досега се продадени и подарени вкупно 9,7 милиони билети. Од нив продадени се 8,7 милиони, а еден милион првенствено се наменети за лицата со посебни потреби, за љубителите на спортот и за помладата популација.

Организаторите решија да подарат билети по многуте критики дека цените на билетите се превисоки за многумина.