Европарламентарците денеска беа накратко евакуирани од Европскиот парламент откако група курдски активисти со гласни протести ја прекинаа работата на оваа институција.
Околу пладне, група од 15 до 20 луѓе почнале гласно да викаат на галеријата на посетителите со поглед кон салата.
Активистите држеле знамиња со ликот на затворениот Абдула Оџалан, еден од основачите на Курдистанската работничка партија (ПКК), милитантна група која се смета за терористичка организација во Турција.
🚨Happening now at the European Parliament. Kurdish activists disrupt the Plenary sitting, MEPs evacuated. Let’s hope everyone stays safe. pic.twitter.com/s1xjpeClhT
— Katalin Cseh (@katka_cseh) February 15, 2023
Освен во Турција, ПКК вака се третира и во Соединетите Американски Држави, но и во Европската Унија.
Група членови на парламентот, меѓу кои и претседателката Роберта Мецола, отишле да преговараат со активистите кои одбиле да заминат и се заканувале дека ќе скокнат од галеријата на посетители.
„Постоеше загриженост дека ќе се повредат скокајќи од балконот како дел од нивниот протест“, им рече Мецола на пратениците во Европскиот парламент откако тие продолжија со работа три часа подоцна.