Претседателите и највисоките функционери на 13 земји-членки на ЕУ, собрани околу Иницијативата Tри мориња, усвоија заедничка декларација во Вилнус, во која велат дека придаваат големо значење на проширувањето на ЕУ, како на Западен Балкан, така и на Украина, Молдавија и Грузија и истакнаa дека проширувањето, од стратешка перспектива, ќе донесе повеќе стабилност и просперитет за целата ЕУ.
Во декларацијата што ја усвоија шефовите на држави и високи претставници на Австрија, Бугарија, Хрватска, Чешка, Естонија, Грција, Унгарија, Латвија, Литванија, Полска, Романија, Словачка и Словенија, се истакнува дека „реформите што ги спроведуваат кандидатите и земјите за кои ЕУ се стреми, ќе ја одреди брзината на процесот на проширување, кој мора да остане заснован на заслуги“.
„Ги повикуваме овие партнери да ги поддржуваат европските вредности, вклучително и со движење кон целосно усогласување со заедничката надворешна и безбедносна политика на ЕУ, особено со рестриктивните мерки на ЕУ“, се вели во декларацијата усвоена од претставниците на 13 земји-членки кои се собраа во Вилнус на по повод деветтиот самит на Иницијативата за три мориња и шестиот бизнис форум на таа иницијатива.