„Проблемот е во идеите. Сите идеи се потрошени, сега останува само радикализација на протестите и директна конфронтација, односно конфликти, што најверојатно му одговара на режимот“ – вака српскиот аналитичар Жељко Ињац оценува што очекува следно од студентите во блокада по големиот протест на празникот Видовден и бројните апсења на апсења на демостранти.
Тој во разговор за „Локално“ вели дека притисокот што српскиот претседател Александар Вучиќ моментално го доживува од студентските блокади и протести е нешто на што е навикнат уште од почетокот на неговото владеење.
-Сепак, секоја политичка фигура и секоја влада има свој мандат, па прашањето е како би се снашол Вучиќ, или поточно владејачката коалиција на изборите. Тие се единствената можна опција за мирно заминување на Вучиќ од власт, анализира меѓу другото Ињац.