Институт за демократија спроведе анкета според која само половина од граѓаните би се вакцинирале.
Најголем дел од граѓаните, според анкетата, ја преферираат вакцината на „Фајзер“, дури 39%. На второ место со 21% е руската Спутник, додека пак со кинеската Синофарм од која Македонија очекува најмногу дози би се вакцинирале само 6% од македонските граѓани. Вакцината на Модерна ја преферираат 5% од испитаниците, додека со „Астра зенека“ би се вакцинирале само три проценти од граѓаните.
На прашањето „Дали Владата прави доволно за да ја адресира состојбата со здравството, економијата и образованието“, со „да“ одговориле 39 отсто, „не“ кажале 53 проценти, а „не знам“ осум проценти.
Во денешното соопштение на Институтот за демократија не е наведено на колкав број анкетирани е извршено истражувањето на јавното мислење. Додаваат дека извештајот од анализата на јавното мислење за изминатата година ќе биде достапен за јавноста следната недела.
Анкетата е спроведена теренски во периодот од 17 февруари до 10 март годинава, на репрезентативен промерок од 1050 испитаници.