Институтот за проучување на војната објави нова анализа и мапа на конфликтот во Украина.
Тие наведуваат дека украинските сили продолжуваат со контраофанзивните операции во источна Украина, со се поголем притисок врз руските позиции и логистичките линии во источен Харков, северен Луганск и во источниот регион Доњецк.
Руски извори објавија дека украинските сили ги продолжуваат копнените операции југозападно од Изум, во близина на Лиман и на источниот брег на реката Оскил, наводно принудувајќи ги руските сили да се повлечат од некои области во источна Украина и да ги зајакнат другите.
Руските сили во источна Украина веројатно ќе се борат да ги задржат своите одбранбени линии доколку украинските сили продолжат да притискаат понатаму кон исток.
#Ukrainian forces are continuing #counteroffensive operations in eastern Ukraine, increasingly pressuring #Russian positions and logistics lines in eastern #Kharkiv, northern #Luhansk, and eastern #Donetsk oblasts.https://t.co/0J8K4NGU1C pic.twitter.com/CHORgJIZ6H
— ISW (@TheStudyofWar) September 16, 2022
Кадиров повикува на самомобилизација
Чеченскиот лидер Рамзан Кадиров ги повика сите федерални ентитети да иницираат „самомобилизација“ и да не чекаат Кремљ да прогласи вонредна состојба. Кадиров тврдеше дека секој федерален ентитет мора да ја докаже својата подготвеност да ѝ помогне на Русија со регрутирање најмалку 1.000 војници, наместо да држи говори и да одржува непотребни јавни настани.
Руската пропагандистка Маргарита Симонјан ја повтори потребата Русите доброволно да се приклучат на воените напори, а неколку лојални руски гувернери јавно го поддржаа говорот на Кадиров. Шефот на окупираниот Крим, Сергеј Аксјонов, кој беше назначен од Русија, најави формирање на два доброволни баталјони на полуостровот како поддршка на повиците на Кадиров.