57
Аргентинскиот напаѓач Лионел Меси се здоби со оштетување на лигаментите на десниот зглоб во финалето на Копа Америка, соопшти неговиот американски клуб Интер Мајами.
Меси во понеделникот наутро го напушти теренот во 66. минута од финалето на турнирот.
„По медицинските прегледи, беше утврдено дека Лео Меси има повреда на лигаментите на десниот скочен зглоб. Кога ќе се врати на теренот ќе биде јасно по периодичните прегледи и напредокот на неговото закрепнување“, се вели во соопштението на Интер Мајами.
Репрезентацијата на Аргентина во финалето ја совлада Колумбија со 1:0 по продолженијата. Аргентинците го освоија турнирот по рекорден 16-ти пат.
Меси го освои 45. трофеј во кариерата, што е рекорд во историјата на фудбалот.