Крилниот напаѓач на Јувентус, Федерико Киеза би можел да направи изненадувачки трансфер во шампионот Интер, тврди „Кориере дела сера“. „Нероазурите“ будно ја следат ситуацијата околу италијанскиот репрезентативец, кој се уште не го обновил договорот.
Киеза е поврзан со Јуве до 2025 година, но преговорите меѓу двете страни за продолжување на договорот во оваа фаза не дадоа резултат. Ова е причината поради која бјанконерите го ставија крилниот напаѓач на трансфер листата. Меѓу кандидатите за неговиот потпис е и Тотенхем.
Интер не планира да плати за Киеза. Идејата на гигантот од Милано е следното лето да го земат фудбалерот како слободен играч, доколку не се пресели во друг клуб.
Киеза минатата сезона одигра 33 натпревари во Серија А и постигна девет гола.