Интер побара Дибала да почека пред да потпише со Рома

Интер побара од Аргентинецот Пауло Дибала да почека уште неколку дена пред да потпише за Рома, пишува „Газета дело Спорт“.

28-годишниот поранешен играч на Јувентус беше поврзуван со трансфер во гигантот од Милано едвај недели по крајот на минатата сезона, но на крајот се одлучи за Рома.

Трансферот се уште не е официјално објавен, но аргентинскиот фудбалер беше сликан во друштво на спортскиот директор Тиаго Пинто и потврди дека ќе му се приклучи на тимот од Рим.

Извршниот директор на Интер, Џузепе Марота побара од Дибала да му даде уште малку време за преговори, но по разговорот со тренерот на Рома, Жозе Мурињо, напаѓачот донесе конечна одлука.