Интер тргна по Дибала

од Vladimir Zorba

ИНТЕР започна акција за доведување на Пауло Дибала, објави La Gazzetta dello Sport.
Директорот на Интер, Бепе Марота телефонски разговарал со агентот на Дибала и започнал преговори за доаѓањето на Аргентинецот во Милано.

Дибала, 28-годишниот напаѓач кој одигра 274 натпревари за Јувентус од доаѓањето во 2015 година, не се договорил со раководството на клубот од Торино за нов договор и може да си замине без обештетување на крајот на сезоната. Тој веќе може да преговара со заинтересираните клубови и да потпише преддоговор.

Интер кој е во финансиски проблеми најде пари за Дибала по заминувањето на Артуро Видал, Матиас Вецино и Кристијан Ериксен. Дибала би заработувал седум и пол милиони евра по сезона во Милан со дополнителни бонуси. Би потпишал петгодишен договор и би добил неколку милиони само за потпишување на договорот.

Слични содржини