308
Италијанскиот фудбалски шампион Интер во четвртокот го назначи Симоне Инзаги за нов тренер и потпиша двегодишен договор со него. Симоне Инзаги успешно го водеше Лацио во изминатите пет години, каде што го помина и поголемиот дел од својата играчка кариера.
На тренерската клупа на Интер, тој го наследи Антонио Конте, кој ги предводеше Нероаѕурите до титулата во Италија, каква што чекаа 11 години. Но, кога Конте слушна дека сопствениците на Интер наместо засилувања, имаат намера да продадат некои играчи и да ги намалат платите за најмалку 15 проценти, тој си даде оставка.