Apple работи напорно на три нови верзии на iPhone, чии премиери не очекуваат на есен. Уредите ќе
бидат напојувани од новиот A13 процесор, кој е развиен под кодното име „Cebu“. Претстојните
модели, исто така, ќе продолжат да имаат Lightning конектори. Ова значи дека Apple досега не
планира да се префрли на стандардот USB Type-C. Ве потсетуваме дека видовме слична порта кај
iPad Pro (2018).
Првиот нов модел се нарекува „D42“ (iPhone 12.3) и ќе биде наследник на iPhone Xs. Вториот
паметен телефон се нарекува „D43“ (iPhone 12.5) и ќе биде позициониран како наследник на
големиот iPhone Xs Max. Третиот уред ќе биде „евтиниот“ предлог „N104“ (IPhone 12.1), што значи
дека ќе го наследи iPhone XR. Дисплејот на D42 ќе биде 5.8-инчи со резолуција од 2436×1125
пиксели, додека D43 ќе биде 6.5-инчен паметен телефон со 2688×1242 пиксели.
Основниот модел на серијата ќе понуди 6,1-инчен екран со 1792×828 пиксели, објави PhoneArena.
Главната камера на паметните телефони во задниот дел сега ќе биде наредена во квадратна
форма. Сензорите ќе се наоѓаат во горниот лев агол на стаклениот панел на задната страна. На
iPhone X11 и iPhone X11 Max ќе им се понудат тројни задни камери со нов широкоаголен објектив
со функцијата Smart Frame. „Евтиниот“ модел ќе има само две камери. Селфи сензорите ќе можат
да снимат Slow-Motion видео со 120fps.