188
Иран денеска го отфрли извештајот на Меѓународната агенција за атомска енергија (IAEA) во кој се наведува дека Техеран го зголемил производството на високо збогатен ураниум, пренесоа иранските медиуми.
Шефот за атомска енергија на Иран, Мохамад Еслами, рече дека Иран не направил ништо ново и дека продолжува со истите активности според правилата.
Во извештајот на IAEA, до кој „Ројтерс“ имал увид во вторникот, се вели дека Иран „го зголемил своето производство на високо збогатен ураниум, поништувајќи го претходното намалување на производството од средината на 2023 година“.