Иранскиот претседател остварил разговори со лидерите на Хамас и Исламски џихад

Иранскиот претседател Ебрахим Раиси денеска разговарал со лидерите на палестинските милитантни групи Хамас и Исламски џихад, соопштија државните ирански медиуми, еден ден откако Хамас изврши жесток напад врз Израел.

„Раиси разговараше за развојот на настаните во Палестина во одделни телефонски разговори со Зијад ал-Нахалах, генерален секретар на движењето Исламски џихад и Исмаил Ханија, шефот на политичкото биро на Хамас“, јавија државните медиуми.

Во нивните извештаи не се дадени дополнителни детали.