Иранскиот врховен лидер ајатолахот Али Хамнеи помилува „десетици илјади“ затвореници, вклучително и многумина уапсени на неодамнешните антивладини демонстрации под обвинение поврзани со безбедноста, објавија државните медиуми во неделата, објави Хина.
„Затворениците кои не се соочуваат со обвиненија за шпионирање за странски агенции, кои не се директно поврзани со странски агенти, не намерно убиле или раниле некого, не уништувале или палеле владин имот“, ќе бидат помилувани“.
Помилувањата ќе бидат објавени по повод годишнината од Исламската револуција во 1979 година.
Според активистичката новинска агенција ХРАНА, околу 20.000 луѓе се уапсени за антивладините демонстрации предизвикани од смртта на Махса Амини во септември.
Дваесет и двегодишната Курдка, Махса Амини почина во притвор на 16 септември 2022 година. Моралната полиција ја уапси поради „несоодветна“ облека.
Демонстрациите се проширија во 160 градови.
Најмалку 527 луѓе загинаа во демонстрациите, според извештајот на Американската новинска агенција за човекови права.
Меѓу нив имало 71 малолетник и 70 полицајци и други безбедносни сили, наведува агенцијата.
Најавена е смртна казна за повеќе од стотина уапсени, а неколку демонстранти веќе се егзекутирани.