Фудбалерите на Иран играа против Англија во првото коло од групата Б на Светското првенство, а пред мечот направија необичен потег.
Сите 11 ирански фудбалери стоеја неподвижни за време на интонирањето на националната химна во Доха.
Капитенот Алиреза Јаханбакш потврди дека тимот одлучил да не ја пее националната химна како поддршка на протестите против режимот во татковината.
Тие стоеја сосема мирни и намуртени додека низ стадионот „Калифа“ се слушаше националната химна.
Протестите започнаа низ целата земја пред два месеци кога Махса Амини беше убиена од полицијата на 16 септември.
Амини, која има курдско потекло, почина три дена по нејзиното апсење во Техеран поради наводно кршење на задолжителниот код за облекување на жените во земјата, кој вклучува носење хиџаб.
Спортистите од Иран претходно одбиваа да ја пеат националната химна или да слават голови со навивачите.
Breaking: Iran national football club stand mournfully and refuse to sing national anthem of clerical regime during first match against England at World Cup 2022 in act of protest against Khamenei henchmen’s violence pic.twitter.com/qPmX2hdMKP
— Borzou Daragahi 🖊🗒 (@borzou) November 21, 2022