Исчезнато девојче во Италија пронајдено во тешки услови, позитивно на кокаин

Полицијата во италијанскиот град Новара пронајде девојче кое исчезна пред повеќе од една година, кога имало четири месеци, откако нејзиниот татко, кој е странски државјанин, ја зел од нејзината мајка Италијанка.

Девојчето било пронајдено во лоши услови, со сериозни хигиенски и санитарни недостатоци, а тестираното и потврдено е дека е позитивно на кокаин, објави Анса. Истрагата покажа дека таткото го доверил детето на жена која е зависничка од дрога и има криминално досие.

Жената и таткото на девојчето се соочуваат со обвиненија за семејно насилство. Моментално е во тек процес на посвојување на девојчето, пренесува Танјуг.