Ископани речиси 90 проценти од биткоините

од Vladimir Zorba

Биткоинот, најголемата и најпознатата криптовалута во светот, има ограничена понуда од 21 милион монети, при што речиси 90 проценти од нив се веќе ископани.

Аналитичарите веќе размислуваат каква ќе биде судбината на крипто-економијата откако нема веќе да се „пуштаат“ нови монети.

За разлика од другите форми на пари, вклучително и пари со декрет, кои можат да се печатат по волја на централните банки, биткоинот има ограничена понуда – 21 милион монети.

До август 2021 година, околу 18,7 милиони биткоини беа достапни, а само 2,3 милиони останаа за „копање“, според податоците на Инвестопедија.

Ограничувањето на понудата ја прави најстарата криптовалута во светот ограничена стока и ја контролира инфлацијата што инаку може да произлезе од неограничено снабдување со монети.

Исто така, таквата ситуација води до проценка дека 2140 година ќе биде време кога ќе се ископа последниот биткоин. Ако се земе предвид ова, се поставува прашањето дали биткоин мрежата ќе остане функционална и после тоа време.

Аналитичарите велат дека биткоин економијата мора да се промени за мрежата да остане во функција.

Многумина предвидуваат дека криптовалутниот екосистем може да претрпи процес на трансформација, исто како и неговиот идентитет. Првично беше воведен како медиум за размена на дневни трансакции, но подоцна најде поголема популарност како средство за инвестирање.

Аналитичарите, исто така, велат дека оние што копаат биткоини би можеле да се приклучат на картели, слично на оние што контролираат други стоки, како што е Организацијата на земјите извознички на нафта (ОПЕК), која го контролира пазарот на нафта.

Друга можност изнесена од аналитичарите е дека биткоинот може да стане резервно средство, што би го намалило бројот на трансакции на крипто мрежата, бидејќи трговците на мало и малите трговски компании би биле заменети со големи институционални и трговски играчи.

Тие би воделе помал број поголеми трансакции, што би го продолжило времето за пронаоѓање на последниот биткоин.

И, конечно, протоколот што се однесува на криптовалутите може да се промени со цел да се продолжи производството откако ќе го достигне лимитот од 21 милион. Ова, сепак, ќе ја намали вредноста на веќе пронајдените биткоини, што најверојатно нема да го прифатат сопствениците на монети.

Во моментов, сепак, недостатокот на биткоин и зголемените цени привлекуваат шпекулативни инвеститори, чии акции доведоа до промени во вредноста што ги одвраќаат сериозните инвеститори од криптовалутите.

Цената на биткоинот оваа година падна од највисоката вредност од 60.000 долари во февруари на половина од таа сума во текот на летото за повторно да излезе на над 60.000 долари по монета оваа недела.

Сепак, некои земји како Ел Салвадор и Куба гледаат потенцијал во валутата и преземаат чекори да го направат легално средство за плаќање.

Слични содржини