Македонија ја живее хистеријата на тоа дека победникот одамна е познат, вели аналитичарот Ѓунер Исмаил за претстојните локални избори. Според него, веројатно бројот на гласови на контото на ВМРО-ДПМНЕ ќе биде поголем.
-Ќе биде многу интересно во сферата на советите на локалните заедници каде што се појавија различни интереси односно граѓани со посебни сфаќања и разбирања за тоа кои се нивните потреби и како да ги артикулираат, а не ги гледаат тие артикулации во понудата на регуларните партии. Ние треба да почекаме во понеделник и да ги видиме резултатите на советите и за градоначалниците и според тоа да изведуваме заклучоци каде и како се движи политичката сцена на Македонија односно како размислуваат граѓаните, потенцира, меѓу другото, Исмаил во разговор за „Локално“.