Актуелно
Почетна / Сцена / Испливаа и секс скандали за тимот на Елен Деџенерис

Испливаа и секс скандали за тимот на Елен Деџенерис

Контролната соба на сетот на „The Ellen DeGeneres Show“ е едно од најпосакуваните работни места во Холивуд, но новите сведочења и од мажи и од жени кои работеле зад сцената на популарното шоу, откриваат дека тоа е исто така место каде се случува сексуално вознемирување и лошо однесување од страна на извршните продуценти.

Меѓу приказните на поранешните вработени е и она за главниот сценарист и извршен продуцент Кевин Леман, кој го прашал еден од вработените дали може да го задоволи со рака или да изврши орален секс во тоалетот, на бизнис забава во 2013 година. Друг тврди дека Леман еднаш го прашал асистентот на продукцијата дали може да го допре неговиот пенис. Друг вработен тврди дека го видел Леман како го гали асистентот во автомобилот и го бакнува во вратот, пишува „BuzzFeed News“.

Десетина поранешни вработени, од кои некои работеле со години и достигнале повисоки позиции, тврдат дека сексуално експлицитните коментари на Леман во канцеларијата се вообичаени, па тој ги коментирал испакнатините во пантолоните на машките колеги или ги прашувал дали сакаат да бидат доле или горе за време на сексот. .

„Тој го маскираше како сарказам, но не беше сарказам“, рече еден вработен.

Неговите цели беа најчесто вработените од пониско ниво и младите колеги кои сметаа дека немаат доволно моќ да му се спротивстават.

„Тој го правеше тоа пред десет луѓе и се смееше затоа што „Кевин е само Кевин“, но без оглед каде се наоѓате во компанијата, немате право да ги допирате другите луѓе“, рече друг поранешен вработен.

Во изјавите што ги испрати до медиумите откако BuzzFeed го објави својот напис, Леман негираше „какво било сексуално несоодветно однесување“.

„Почнав како личен асистент на Елен пред 17 години и се посветив на мојата кариера и дојдов на местото каде што сум денес. Иако мојата работа како сценарист е да правам шег и повремено да претерувам, шокиран сум што мојот обид за хумор навредил некого. Отсекогаш сум се обидувал да ги третирам другите со љубезност, инклузивност и почит. За време на целата моја работа на шоуто, јас никогаш не сум бил пријавен од персоналот и јас сум шокиран од овој злонамерен и заведувачки напис“, напиша тој.

BuzzFeed News разговараше со 36 поранешни вработени, од кои многумина потврдија дека имало вознемирување, сексуално вознемирување и напад од страна на раководни лица, како Леман. Сите поранешни вработени побараа да останат анонимни, затоа што се плашат од одмазда.

„Ворнер Брос“ одби да ги коментира овие обвинувања, повикувајќи се на тековна внатрешна истрага за претходното пишување на „BuzzFeed“ за расизмот и заплашувањата зад сцената на популарното шоу. Подоцна испратија изјава во која се вели дека се надеваат дека ќе ја „утврдат вистината на обвиненијата“.

loading...