„Мислев дека не добивам доволно признание што го заслужувам, дека мојата работа не се гледа, бидејќи сè се одвива во позадина. Сè што правев беше невидливо. Жените немаат простор да зборуваат, да се покажуваат и постои стереотип за жените на спортисти, како треба да изгледаат и да постапуваат. Порано ме болеше што ме препознаваа само како негова сопруга, сега тоа го носам со гордост “, рече Јелена Ѓоковиќ во големото интервју за новиот број на српското списание „Стори“.
Јелена, сопругата на првиот светски тенисер, за списанието зборува за нејзините стравови и фрустрации и за животот со Новак Ѓоковиќ.
„Секоја пречка со која се соочуваме нè зајакнува. Ние сме страствени, поради што доаѓа до разлики во мислењата. Јас во моментов сум посветена на мајчинството и го забавувам темпото, додека тој не сака да биде активен. Тој сака да патува, да прави сé и јас тогаш го предупредувам дека имаме две деца и дека мора да се прилагодиме на нив“, изјави Јелена за „Стори“.
„Не сакам да правам работи затоа што мислам дека треба да ги направам и немам избор. Сега знам дека имам избор. Работам на моето тело затоа што сакам да имам енергија да живеам со смеа и смисла“, додаде таа.
„За Новак научив дека тој е одличен во грижата за себе. Порано мислев дека тоа е себично, а сега сфаќам дека не е, дека сите треба да го правиме тоа. Уште учам како да се грижам за себе. Едвај кога ќе се погрижиме за себе, имаме што да им понудиме на другите“, рече Јелена за споменатиот медиум.
Сопругата на првиот светски тенисер, по факултетот во Италија, зема магистерска диплома и се стекна со докторат за менаџмент во Монако.