Во Истанбул, и покрај забраната, илјадници жени учествуваа на маршот по повод Меѓународниот ден на жената, демонстрирајќи околу два часа пред полицијата да употреби солзавец за да го растера протестот и да приведе некои учеснички.
Протестот во центарот на Истанбул во средата беше организиран со барање да се почитуваат правата на жените, како и поради големиот број жртви од земјотресот што пред еден месец ги погоди Турција и Сирија, пренесе АП.
Втора година по ред, на организаторите им беше забрането да маршираат по пешачката авенија Истиклал во најголемиот турски град, каде што од 2003 година се одржуваат маршеви за Денот на жената.
Women in Turkey braved an official ban on an International Women’s Day march in Istanbul for a protest that combined women’s rights with the staggering toll of the deadly quake that hit Turkey and Syria a month ago. https://t.co/uEcNM9ZMJO pic.twitter.com/pdoev0RTR9
— The Associated Press (@AP) March 9, 2023