По седуммесечно патување во вселената и вложени милијарди долари, ровер на Американската вселенска агенција (НАСА) вечерва слета на Марс со задача да утврди дали во минатото постоел живот надвор од Земјата.
НАСА објави дека роверот, наречен „Упорност“, го заврши последниот, најризичен дел од патувањето и дека вечерва успешно слета на површината на Црвената планета каде ќе собере геолошки примероци и ќе ги донесе на Земјата за околу 10 години каде што тие ќе бидат анализирани, во потрага по древни форми на живот, пренесува АП.
Touchdown confirmed. The #CountdownToMars is complete, but the mission is just beginning. pic.twitter.com/UvOyXQhhN9
— NASA (@NASA) February 18, 2021
Слетувањето на роверот беше најризичниот дел од операцијата, имајќи предвид дека тој влезе во атмосферата на Марс со брзина од дури 19.500 километри на час, што требаше да се намали со падобран и ракетна платформа.
Ровер слета во кратерот наречен „Езеро“, локација за која се верува дека имала езеро широко со дијаметар од околу 50 километри пред 3,5 милијарди години.
Tomorrow I arrive at Jezero Crater, a dry lakebed on Mars. I’ll chart a path along its ancient shoreline, to see if it’s like similar places on Earth. I’m looking for rocks that tell a story of past microbial life. https://t.co/5RCEWdNc9b #CountdownToMars pic.twitter.com/NsNJjXHPbu
— NASA's Perseverance Mars Rover (@NASAPersevere) February 17, 2021
Покрај роверот на НАСА, во јули минатата година на Марс беа испратени и вселенските летала на ОАЕ и Кина, бидејќи поради меѓусебната положба во која се најдоа Земјата и Марс тогаш патот беше пократок – вкупно околу 300 милиони милји.
Ако некогаш постоел живот на Марс, тоа се случило пред три до четири милијарди години кога сè уште имало вода на таа планета, сметаат научниците.
Оваа мисија на Марс ја чинеше НАСА скоро три милијарди долари.