83
Манчестер Јунајтед продолжува да игра далеку под очекувањата во Премиер лигата и по одиграни 25 натпревари се наоѓа на 15. место со 29 бодови.
Во последниот натпревар, „црвените ѓаволи“ загубија на гостувањето кај Тотенхем со 0:1, дозволувајќи да бидат прескокнати од Спарс на табелата.
Ова беше 12-ти пораз за Манчестер Јунајтед од стартот на сезоната во англискиот шампионат, каде „црвените ѓаволи“ имаат и 8 победи и 5 нерешени.
Последен пат клубот загубил најмалку 12 од првите 25 натпревари во една кампања во сезоната 1973/1974 година, кога загубил 13 од првите 25 натпревари, а на крајот на сезоната Манчестер Јунајтед испаднал од првата лига на Англија.