Истражување: Иницијативата „Отворен Балкан“ ја поддржуваат 65,7 отсто од испитаниците

Од испитаниците 65,7 отсто го поддржуваат проектот „Отворен Балкан“, додека 15 отсто не го поддржуваат, што значи дека за 50,7 отсто е поголем бројот на испитаниците што ја поддржуваат оваа форма на поблиска соработка помеѓу Македонија, Албанија и Србија, а Русија е на второ место после Бугарија по негативни впечатоци кај македонското население, стои во Истражувањето спроведено од фондацијата „Конрад Аденауер“

Во истражувањето е наведено дека вкупно 50,4 отсто од испитаниците сметаат дека руската воена агресија врз Украина е неоправдана и неприфатлива.Додека 26,2 отсто сметаат дека е оправдана и прифатлива, што претставува сооднос од 2:1 во однос на првата група.