Најновите истражувања од Холандија покажуваат дека ковид-19 е честа појава кај мачки и кучиња чии сопственици се заразени.
Ова е прва забележана студија досега со докази за пренесување на коронавирусот на миленичиња, но понатамошно истражување ќе биде тешко да се развие бидејќи вирусот сè уште лесно се шири меѓу луѓето, пишува Би-Би-Си.
Истражувачи од Универзитетот во Утрехт зеле брисеви од 310 миленичиња од 196 домаќинства. Шест мачки и седум кучиња биле позитивни на PCR тестот, додека 54 животни биле позитивни на тестот за вирусни антитела.
Тестовите за следење покажаа дека сите PCR-позитивни животни се опоравиле и продолжиле да развиваат антитела.
Студијата верува дека најверојатниот пат на пренесување на вирусот е од човек на животно, а не обратно.
Д-р Елс Брунс, од Универзитетот во Утрехт, советуваше дека заразените лица треба да избегнуваат контакт со своите миленици, како што тоа го прават со другите луѓе, бидејќи главната грижа не е здравјето на животните, туку потенцијалниот ризик миленичињата да дејствуваат како резервоар на вирусот.
„Не можеме да кажеме дека не постои ризик сопствениците да се заразат од своите миленици. Во овој момент, пандемијата сè уште е водена од инфекции од човек на човек, така што засега не можеме да следиме понатамошни истражувања“, додаде Брунс.
Ветеринарите во Русија започнаа да вакцинираат некои животни против коронавирусот, но д-р Брунс смета дека тоа не е потребно бидејќи миленичињата не играат улога во пандемијата.
Повеќе докази за ова откритие за можното пренесување на ковид-19 од луѓе на домашни миленици се појавија во посебна студија на Универзитетот во Онтарио во Канада, каде беше утврдено дека мачките имаат посебен ризик од зараза.
Беа тестирани вкупно 48 мачки и 54 кучиња од 77 домаќинства, од кои 67 проценти од мачките и 43 проценти од кучињата од домаќинства биле позитивни на инфекција, со уште 9 проценти од животните од засолништата и дури 3 проценти од скитниците во таа област.
Една четвртина од домашните миленици покажале симптоми на болеста, од губење на апетит до отежнато дишење. Иако повеќето случаи биле лесни, три случаи биле пријавени како тешки.
Резултатите од оваа студија во Канада покажаа дека мачките имаат поголема навика да спијат со своите сопственици и затоа се повеќе изложени на каква било инфекција.
Засега се смета дека вирусот не се пренесува од заразени миленичиња.