Маслиновото масло се смета за една од најздравите намирници во светот, а неодамна беше објавена студија која го потврдува тоа, која наведува многу позитивни ефекти на овој производ.
Студијата објавена во списанието „Journal of the American College of Cardiology“ во понеделникот покажа дека луѓето кои консумираат повеќе од половина лажица (7 грама) маслиново масло дневно имаат помал ризик од смрт од кардиоваскуларни болести, рак, невродегенеративни болести и респираторни заболувања.
Меѓу другото, научниците откриле дека луѓето живеат подолго кога секојдневно се заменуваат 10 грама маргарин, путер, мајонез и млечна маст со маслиново масло.
Текот на истражувањето
За студијата, истражувачите, предводени од Марта Гаш-Фер, научник од Одделот за исхрана на Харвард, анализирале 60.582 жени и 31.801 мажи кои учествувале во студија за здравјето на медицинските сестри, според „Fox News“.
Ниту еден од учесниците немал кардиоваскуларни болести или рак кога започнала студијата во 1990 година, а на секои четири години учесниците биле оценувани со прашалник кој ги прашувал колку често консумираат одредени видови масти и масла и кои видови масла ги користат за готвење.
Истражувачите откриле дека учесниците кои консумирале повеќе маслиново масло биле физички поактивни, помалку пушеле, консумирале повеќе овошје и зеленчук и имале поголема веројатност да бидат луѓе од јужноевропско или медитеранско потекло.
Во текот на 28-годишното истражување, меѓу учесниците починале 36.856 луѓе.
Во споредба со оние кои ретко или никогаш не консумирале маслиново масло, испитаниците кои консумирале најмногу маслиново масло имале 19% помал ризик од кардиоваскуларна смртност, 17% помал ризик од рак, 29% помал ризик од невродегенеративна смртност и 18% помал ризик од респираторна смртност, според „Fox News“.
Кога учесниците ги замениле другите масти, вклучително и маргаринот, путерот, мајонезот и млечната маст, со маслиново масло, ризикот од смрт е намален за меѓу 8 и 34 проценти, покажа студијата.
Незаситените растителни масла се најдобрата опција
„Нашите наоди ги поддржуваат тековните препораки во исхраната за зголемување на внесот на маслиново масло и други незаситени растителни масла. Лекарите треба да ги советуваат пациентите да заменат одредени масти, како што се маргарин и путер, со маслиново масло за да го подобрат своето здравје. Нашата студија помага во изрботка на препораки што пациентите ќе можат полесно да ги разберат и се надевам дека ќе ги применат во нивната исхрана“, рече Марта, водечки автор на студијата, во соопштението за печатот.
Дополнителни истражувања се важни
Во воведот на студијата, Сузан Ц. Ларсон, професорка по епидемиологија на Институтот Каролинска во Стокхолм, рече дека сè уште има недостиг од истражување на оваа тема.
– Тековните студии и претходните студии покажаа дека потрошувачката на маслиново масло може да има здравствени придобивки, но остануваат неколку прашања, како на пример дали асоцијациите се причински или лажни, дали консумирањето маслиново масло е заштита само од одредени кардиоваскуларни болести, како што се мозочните удари и атријална фибрилација или од други болести и причини за смрт? Колкаво количество маслиново масло е потребно за заштитен ефект? Потребни се повеќе истражувања за да се решат голем број проблеми и прашања“, пишува „Fox News“.