Италијанската премиерка Џорџија Мелони ќе се сретне со украинскиот претседател Владимир Зеленски, објавија во вторник италијанските медиуми.
Мелони тргнала со ноќен воз од Полска за Киев, а нејзиното пристигнување во главниот град на Украина се очекувало во утринските часови, објави телевизискиот канал Sky TG24.
АФП објави на Твитер околу 11 часот дека Мелони пристигнала во Киев.
#BREAKING Italian PM Meloni arrives in Kyiv: spokesman pic.twitter.com/uDLivPBDGP
— AFP News Agency (@AFP) February 21, 2023
Во понеделникот вечерта италијанската премиерка телефонски разговарала со американскиот претседател Џо Бајден, кој штотуку се врати во Полска по ненадејната посета на Киев, соопшти италијанската влада.
„Двајцата лидери разговараа за нивната блиска соработка во врска со помошта за Украина, вклучително и безбедносна, економска и хуманитарна помош“, соопштија од резиденцијата на премиерката.