Членовите на италијанската делегација и еден член на унгарската делегација во Парламентарното собрание на Советот на Европа (ПССЕ) поднесоа амандман на текстот на препораката за прием на Косово vо Советот на Европа (СЕ), откако се бара членството на Косово да биде условено со формирањето на Заедницата на српските општини (ЗСО).
„Собранието смета дека формирањето на Заедницата на општини со српско мнозинство е неопходен чекор кон нормализирање на односите меѓу Приштина и Белград, меѓународна обврска преземена во рамките на дијалогот со поддршка на ЕУ, а пред се начин да се подобри демократското учество и зајакнување на косовските Срби и да се обезбеди заштита на нивните права. Формирањето на Заедницата треба да се истакне при идното разгледување на барањето на Косово за пристапување во Советот на Европа од страна на Комитетот на министрите“, се наведува во амандманот, цитиран од српските медиуми.
Тој амандман го поддржаа седум членови на италијанската и еден член на унгарската делегација.