Италијанец уапсен на аеродромот во Скопје – бил агресивен кон вработени и полицајци

Италијански државјанин вчера бил уапсен на Скопскиот аеродром, откако бил агресивен кон полицајци и вработени на аеродромот, соопшти МВР.

„На 28.07.2022 во 09.45 часот на Граничен премин „Меѓународен аеродром Скопје“, полициски службеници го лишиле од слобода М.Д.(36) од Италија, затоа што се однесувал агресивно кон полициски службеници кои извршувале службени дејствија и кон вработените на аеродромот“, информираат од полицијата.