389
Во понеделникот, премиерот на Италија, Марио Драги, ја поддржа Европската фудбалска унија (УЕФА), која силно се спротивставува на формирањето на Европската суперлига.
„Владата внимателно ја следи дебатата за проектот Суперлига и ја поддржува позицијата на италијанските и европските фудбалски власти за зачувување на националните натпреварувања, вредностите и социјалната функција на спортот“, навел Драги во соопштението.
Италијанските клубови Јувентус, Милан и Интер се меѓу основачите на европската Супер лига. УЕФА најави дека ќе ги покрене сите мерки против создавањето на Суперлигата.
Поддршката за УЕФА претходно ја даде и унгарскиот премиер Виктор Орбан.