Политичари и функционери го го запишуваат својот имот на туѓо име, односно на други граѓани, за што им плаќаат за противуслуга, а кога ќе им заврши функцијата тие си го враќаат тој имот на свое име, кажа претседателката на Државната комисија за спречување на корупцијата (ДКСК), Билјана Ивановска, во емисијата „24 анализа“.
Таа информира и дека голем број од пријави на граѓаните до ДКСК се однесуваат на незадоволството од судските одлуки, по кои комисијата нема надлежност да постапува и ги препраќа до Судскиот совет.
– Од аспект на проверка на потеклото на имотот, ние не го испитуваме имотот на судиите, туку вршиме проверка на она што е пријавено во анкетниот лист, односно верификација на податоците, дали тоа што е пријавено се совпаѓа со тоа што е запишано во книгите, во катастарот. Наша надлежност е до тука. Доколку откриеме несразмерност во богатењето во однос на нивните месечни примања, тогаш тие предмети ги доставуваме до надлежни институции, рече Ивановска.