Спанаќот, колку и да е здрав и препорачлив, јадете го само во пролет и лето, бидејќи во остатокот од годината е преполн со хемикалии.
Ова правило се однесува и на другите овошја и зеленчуци, бидејќи одгледувањето во стакленици или фолии значи и дека се осиромашени за одреден дел од нутритивните состојки, но и дека се користени хемикалии за да се постигнат бојата, изгледот и вкусот.
Поради тоа, конкретно спанаќот не би требало да го јадете во есен и зима. Во пролет и лето можете да ги искористите сите негови активни состојки, како витамините А, Б и Ц, како и железото, магнезиумот, фосфорот и други.
Спанаќот е нискокалорична намирница и може да се јаде во неограничени количини. Единствено поради оксалните киселини не смеат да го јадат луѓето со бубрежни заболувања.
Најдобро се комбинира со млечни производи, а не треба да го комбинирате со јајца.