Двапати во последните три сезони, тој беше најдобриот играч во лигашкиот дел од НБА, а сега е шампион и МВП на финалето… Неверојатниот Јанис Адетокумбо го предводеше Милвоки до титулата во серијата со Санс (4: 2 во победи).
Само пред три недели тој имаше проблем со коленото и шансите беа 50:50 дека ќе се врати на теренот. Од враќањето, тој игра во полн сјај. Тој веројатно никогаш не играл така во кариерата.
Изборот за МВП на финалната серија беше лесен. Феноменалниот Грк имаше 40+ поени и 10+ скока на три натпревари, што го прави втор играч во историјата на НБА-лигата што имал ваков ефект во големото финале (пред него само Шекил О’Нил успеа во 2000 година). На овој шести, одлучувачки дуел, тој постигна најмногу поени во историјата на големото финале – 50. Благодарение на него, Бакс стигнаа до вкупно втората титула, прва по 50 години.
– Сакам да му се заблагодарам на Милвоки што веруваше во мене. Исто така и на моите соиграчи, тие играа силно на секој натпревар. Јас му верувам на тимот и сакав да го направам ова во овој град, со овие момци. Среќен сум што успеавме да го завршиме сето ова на овој начин – изјави Јанис по мечот на кој Бакс стигнаа до шампионскиот прстен.