Израелската армија објави четиричасовна пауза во борбите во градот Рафа

Израелската армија најави четиричасовна тактичка пауза во борбите во кампот во градот Рафах во јужниот дел на Појасот Газа, јави ДПА.

Воените операции таму ќе бидат привремено прекинати од хуманитарни причини, изјави портпаролот на израелската армија на мрежата X.

Паузата се најавува за населението да може да се снабди со залихи, се вели во соопштението.

Претходно, израелската војска ги повика жителите на градот Кан Јунис да ги напуштат своите домови и да се населат во градот Рафа во југоисточниот дел на Појасот Газа, во близина на египетската граница.

Израелската армија, исто така, денеска одреди маршрута за цивилите да го заобиколат претходно користениот пат за бегство низ градот Кан Јунис, за кој војската вели дека е опасен.