Израелската армија во вторникот објави дека во борбите во Газа загинале уште двајца војници, со што вкупниот број од почетокот на војната со Хамас се искачи на 46, како и дека е убиена една млада жена војник киднапирана од Хамас.
На 7 октомври Хамас уби околу 1.200 луѓе, главно цивили, во крвавиот напад врз Израел, според израелските власти.
Од тогаш, Израел континуирано ја напаѓа Газа од воздух, море и копно. Хамас тврди дека биле убиени повеќе од 11.000 луѓе.
На 27 октомври израелски тенкови влегоа во Газа со цел да го „уништат“ исламистичкото движење.
Израелската армија ја објави и смртта на Ноа Марчиано, 19-годишна жена војник држена како заложник од Хамас во Газа.
Пред тоа Хамас ја покажа нејзината фотографија и изјави дека е „убиена во израелско бомбардирање“.