Како судот ги заштити две фундаментални француски вредности – еманципација на жените и желбата да се живее заедно.
Буркини или бикини – прашуваат иронично француските коментатори за изборот на облека за на плажа во текот на летото на 2016 година. Не е случајно што забраната за Буркини – капење со долги ракави и панталони, дојде од француската ривиера, на неколку километри од Ница, градот,беше жртва на исламистичката напад кој уби 85 лица на Денот на Бастилја пред еден месец.
Ова го пишува Анес Портие, англискиот уредник на француското списание “Мариан”, во коментарот објавен од страна на БиБиСи.
Прв беше Кан, кој ја издаде забраната, потврдена од страна на судот на 13 август. Кан беше проследен со Вилнев-Лубе во близина на Ница, и од Киско во Корзика. Градоначалникот на северното одморалиште Ле Туке рече дека ќе ја протуркаат ваквата забрана и никакви Буркини нема да бидат толерирани на јавните плажи. Досега се казнети малку жени (глобата во Кан е 38 евра) за носење на Буркина на брегот.
А одлуката предизвика бурна дебата. Градоначалникот на Кан – Давид Лиснар ја објасни својата одлука вака: “Буркините се како униформа, симбол на исламскиот екстремизам. Затоа и ги забранувам во текот на летото. ”
Неговото објаснување ја изненади муслиманската заедница во Кан, бидејќи Лиснар е познат како градоначалникот, кој дозволил на големо земјиште во неговиот град да се користи за изградба на Икраа џамијата, финансирана од саудиски донатор.
“Јас сум практична муслиманка и сметам дека треба да има избор”, вели Сабрина Акрам, порасната во Пакистан и сега жител на Масачусетс, САД.
“Срамота е да те тераат да покажуваш повеќе тело или да си одиш”, смета Миријам Куилс од Глосестер. Француската анти-ислламофобска организација CCIF ја обжали одлуката на градоначалникот на Кан во судот, но загуби.
Според Административниот суд забраната паѓа под законот од 2004 година, кој го ограничува прикажувањето на религиозни знаци на јавни места. Мотивите на судот се дека во контекст на вонредната состојба и по исламистичките напади во Франција нападната демонстрација на религиозни знаци, во случајот во форма на облека за на плажа, е можно да предизвика или да ги зголеми тензиите и создава ризици за нарушување на јавниот ред.
Така судот потврди дека Буркините не се само невин религиозен симбол, но воена и пропагандна форма на радикалниот ислам. Всушност Буркините ги загрозуваат двете фундаментални француски вредности и традиции – еманципација на жените и желбата да се живее заедно како една нација. Дебатите за Буркините ќе исчезнат постепено, август оди кон својот крај. Но тие ја покажуваат длабоко заблудената состојба на француските умови што ќе продолжи и во следните години, смета уште авторот Анес Портие.