Преостануваат уште шест денови до денот кога треба со својот глас да ја определите насоката по која ќе продолжи да се движи и развива нашата Струмица. Дали тоа ќе биде патот на прогресот, сплотеноста и заедништвото, како и досега или почеток на некаква нова ера без јасен патоказ како понатаму, истакна кандидатот за градоначалник на Струмица од СДСМ, Коста Јаневски на денешната прес-конференција.
– За идниот развој на општина Струмица нудиме многу проекти. Над 20 капитални објекти планираме да реализираме во претстојниот мандатен период, и стотина други помали проекти кои се од интерес за сите граѓани во општината, рече Јаневски. Додаде, дека ќе градат по план и оти треба да обезбедат инфраструктура за сите.
– Ќе обезбедиме инфраструктура за сите, чиста вода и здрава животна средина, повеќе пари кај граѓаните и ќе ги намалиме разликите меѓу градската и селски средини. Ќе работиме посветено и одговорно. Струмица беше и останува симбол на демократијата и на желбата за слободно граѓанско општество во Македонија, но и општина која била, е и секогаш ќе биде прва, рече Јаневски.