Јапонските нуклеарни регулаторни тела денеска објавија дека не се откриени неправилности во нуклеарната централа Сендаи по ерупцијата на блискиот вулкан Сакураџима.
Нуклеарната централа на западниот јапонски остров Кјушу се наоѓа на околу 50 километри северозападно од Сакураџима, вулкан чија ерупција е регистрирана денеска околу 20:05 часот по локално време, објави Ројтерс.
Два часа по ерупцијата, портпаролот на јапонската влада изјави за новинарите дека владата не добила информации дека е предизвикана некаква штета од ерупцијата.
🔴 #Giappone: Erutta il vulcano #Sakurajima, nella prefettura di Kagoshima.
Grandi bombe vulcaniche hanno raggiunto aree nella città di #Kagoshima a circa 3 km di distanza. Allerta massima e evacuazioni.@Emergenza24 #BREAKING #news #vulcano #allarme #evacuazione https://t.co/gpMZp2akB9— DaniDan (@DanieleDann1) July 24, 2022
По ерупцијата на вулканот, предупредувањето е подигнато на петтото, највисоко ниво, а жителите на одредени области биле советувани да се евакуираат, јави телевизијата „NHK“.
Таа телевизија подоцна објави дека досега се евакуирани 51 лице.
„NHK“ објави дека вулкански камења паѓаат на оддалеченост од 2,5 километри од вулканот.
Видеото покажува нешто што изгледа како црвена маса која тече на едната страна од вулканот и чад.
Сакураџима е еден од најактивните вулкани во Јапонија.