37
Јапонија е подготвена да одвои дополнителни три милијарди долари за Украина од замрзнатите руски средства, изјави украинскиот претседател Володимир Зеленски.
Во телефонскиот разговор со јапонскиот премиер Шигеру Ишиба, Зеленски изразил благодарност за претходната помош на Јапонија за Украина, која изнесуваше вкупно 12 милијарди долари и „овозможи да се спасат илјадници животи“, пишува „Киев Индипендент“.
„Го информирав премиерот Ишиба за масовното бомбардирање на енергетската инфраструктура на Украина на Божиќ и се заблагодарив на Јапонија за нејзината подготвеност да работи на постигнување праведен и траен мир што е можно поскоро“, истакнал Зеленски.