Јапонскиот премиер Фумио Кишида денеска повика на партиско единство за политичка стабилност, истакнувајќи дека сите треба да работат на постигнување на незавршените цели на убиениот поранешен премиер Шинзо Абе, кои вклучуваат зајакнување на војската и ревизија на уставот за да се избегне војна.
Владејачката Либерално-демократска партија (ЛДП) на Кишида и коалициониот партнер Комеито обезбедија солидно мнозинство во горниот дом на парламентот на изборите во неделата, кои беа засенети од атентатот во петокот на поранешниот претседател на ЛДП, Абе, кој беше убиен за време на кампањата, пренесе АП.
Кишида рече дека обединувањето на партијата ќе биде тешка задача без Абе, кој остави силна политичка фракција зад себе дури и откако се повлече од функцијата премиер во 2020 година.