Манчестер Јунајтед доби нов удар. Брентфорд го декласираше англискиот гигант со дури 4:0. Според случувањата на теренот, резултатот можеше да биде уште поубедлив.
Сите четири гола ги постигнаа во првото полувреме, за 35 минути, а се започна со грешката на Давид де Хеа. Наместо рутинска интервенција, топката заврши во мрежата. Поради сето тоа, самиот голман на Јунајтед побара да застане пред камерите и да им се извини на сите.
„Го чинев мојот тим три бода, одиграв многу лошо. Тешко беше тимот да се опорави по мојата грешка при првиот и вториот гол. Да не погрешев при првиот гол, резултатот веројатно ќе беше различен. Не реагираме добро кога работите не одат добро, не реагиравме како што треба откако го примивме голот. Што се однесува до вториот гол, можеби не требаше да му подадам на Ериксен, туку да ја испратам топката далеку од голот. Треба подобро да ги „читам“ ситуациите“, започна Де Геа.
На сите им е јасно дека Јунајтед повеќе не е тим од кој другите се плашат. Брајтон ги победи во првото коло, Брентфорд во второто, а сега следи дуелот со Ливерпул, еден од најсилните европски клубови. Работите не изгледаат нималку наивни за тимот.
„Во моментов не сме како тимовите што кога ќе примат гол реагираат и победуваат со 5:1. Затоа мојата грешка беше клучна, тие поведоа со 1:0 и работите тргнаа надолу“.
Во текот на подготовките тимот одигра одлично, забележа победа и против избраниците на Јирген Клоп. Меѓутоа, кога започнаа најважните игри, сè се промени.
„Лесно е да се игра на подготовки кога не играш за ништо. Тогаш кога е важно, тогаш треба да бидеш похрабар, поконстантен, да се покажеш, јас не го направив тоа на овој натпревар. Мора да ги подигнеме нашите глави и да работиме. Пристигна нов тренер, нови играчи, ни претстои многу работа“.
На крајот, на шпанскиот голман му беше поставено прашање на кое немаше јасен одговор. Новинарот го праша што мора да направи Манчестер за да излезе од оваа ситуација.
„Не знам. Искрено, не сум сигурен. Тимовите многу напредуваат, додека се чини дека ние не го правиме тоа како што треба во моментов. Мораме да се покажеме на натпреварите од Премиер лигата, ова се игрите. Тоа е важно. Што е можно поскоро треба да разбереме што тренерот бара од нас за да играме за овој амблем, да го дадеме животот за овој клуб“, заклучи Де Хеа.