Јасмина од Институт за трансфузиона медицина: Да бидеме трпеливи за да излеземе како победници од борбата со вирусот

Јасмина Милевска од Институт за трансфузиона медицина апелира до сите дека мора да се носат маски за да се заштитиме од вирусот.

„Заштитна маска носам за да се заштитам од вирусот, но да ги заштитам и моето семејство, колеги, дарители и пациенти. Апелирам до сите да се почитуваат мерките на Министерството за здравство, бидејќи само така побрзо и побезбедно ќе ја надминеме оваа пандемија. Мораме да бидеме и трпеливи за да излеземе како победници од борбата со вирусот. Ние здравствените работници сме крвотокот во здравството. Помогнете ни и на нас преку придржување на мерките за заштита, вели Милевска.