Претседателот на српската Народна партија, Вук Јеремиќ, денес изјави дека тој и другите лидери на таа партија со доаѓањето во Претседателството покажале дека на „агресивниот примитивец“, како српскиот претседател Александар Вучиќ, кој „влегува во лице, вреска и навредува“, не може да му се спротивстави со пеење и латински изреки, туку мора да му се одговори на јазик што го разбира тој.
„Покажавме дека не се плашиме од него. Тој денес владее со Србија, потпирајќи се многу на универзалниот страв и митот за неговата супериорност. За да го разбиете тој страв, мора да дадете свој пример и ние го сторивме тоа. Ова зло и диктатура нема да бидат отстранети од власта се додека не исчезне стравот и додека не се покаже дека царот егол, што се виде. Луѓето не треба да се плашат од агресивни слабаци и локални насилници кои ги принудуваат да фотографираат гласачки ливчиња и да одат на митинзи во автобуси“, рече Јеремиќ за телевизијата Н1.
Ваквите настани, додаде Јеремиќ, „ги охрабруваат граѓаните“, а показател за тоа е дека граѓаните му се обратиле во последните неколку дена за да му „честитаат“.
Тој го повика Вучиќ да ги покаже снимките од безбедносните камери и да одговори на поканата за телевизискиот дуел.
„Ако постојано повикува некого додека седи сам во студиото, и не е подготвен да разговара со него пред камера, тогаш тоа е кукавичлук“, рече Јеремиќ.