Тајната снимка која ја објави поранешниот претседател на Кривичен, Владимир Панчевски за време на претресот на истражителите на СЈО во неговиот дом, претставува кривично дело за неовластено снимање и јавно објавување. Ова е ставот на поранешниот судија и адвокат Јован Јоанидис, кој објаснува дека секој сопственик на дом или имот има право да снима за сопствена заштита, но не и во овој случај кога се работи за настан од предистражна постапка.
„Објавувањето на тие снимки, претставува кривично дело. Дури и снимањето претставува кривично дело ако претходно не е кажано дека во мојот стан јас се што се случува – снимам. Мора да постои согласност од тој што е сниман дека е согласен да биде сниман.“ – изјави Јован Јоанидис – поранешен судија и адвокат
Панчевски доставувајќи ги снимките од неговиот дом до медиумите, обвини дека истражител на СЈО му го украл клучот од неговата куќа и оти веќе не се чувствува безбедно. Овие негови тврдења, смета Јоанидис можел да ги користи во постапката која се води против него и двајца информатичари вработени во судот.
„Се поднесува кривична пријава против лицата кои прават кривични дела, се даваат во надлежен обвинител и суд, имаме веќе известување од одлуки таму да ги користи во ред, но вака не е во ред.“ – вели Јоанидис
Со претресот на СЈО, запленет е службениот компјутер на Панчевски, но се обезбедени и податоци од АКМИС системот, за кого од СЈО соопштија дека постојат сомнежи дека бил злоуптребуван при распределување предмети кај „сваровски“ судии. Дали можеби постоел и паралелелн систем на АКМИС-от за незаконски распределување предмети, треба да покаже извештајот на Комисијата при Министерството за правда. За него е најавено дека ќе објавен следнава недела. СЈО го сомничи Панчевски и двајца информатичари во судот за оддавање службена тајна и злоупотреба на системот со местење предмети./Алсат М