По уште една одлична игра во дресот на Денвер, Никола Јокиќ одговараше на прашањата на стручните консултанти на мрежата ТНТ, а меѓу поинтересните прашања и договори беше – „Кој е побрз, Јокиќ или Дончиќ“.
Откако го пофали дека е фантастичен кошаркар, Двејн Вејд го запраша кој е побрз – Лука Дончиќ или тој?
– Мртва трка – одговори Јокиќ.
– Мислам дека двајцата се разликуваме од останатите во НБА. Останатите момци се многу брзи, многу силни, но ние имаме нешто друго. Се обидуваме да ја добиеме играта на поинаков начин. Мислам дека колку си побавен, толку повеќе опции имаш. Кога забавуваш, сè успоруваш, тоа е мојот ритам, ако разбирате. На некој начин, ги „замрзнувате“ сите и тогаш играм во свое темпо“.
Американците беа заинтересирани и за тоа како Јокиќ научил да игра како плејмејкер:
– Играм вака цел живот, ја контролирав топката. Имав среќа да имам тренери кои ми дадоа слобода да го правам тоа. За мене тоа е природно – заклучи Јокиќ.