Репрезентацијата на Србија доживеа фијаско на Европското првенство во кошарка откако во осминафиналето беше елиминирана од Италија. И покрај тоа што по долго време во тимот играше најдобриот светски кошаркар Никола Јокиќ, Србија не успеа да направи сериозен резултат.
Двократниот последователен МВП на НБА беше на висина на задачата и одигра брилијантно, но едноставно не можеше сам да ја однесе Србија до крај откако останатите целосно потфрлија.
Јокиќ, кој е голем љубител на коњи и има свој тим кој се натпреварува во трки со коњи „Dream Catcher“, по враќањето во Србија решил да се почести со нови коњи.
Својата штала ја збогатил со три нови коњи, кои ги купил на аукција.
На аукцијата на една италијанска куќа, која се одржува во вторник и среда, Јокиќ купил три коњи.
Најскап е „Фарид Мил“ кој го платил 54.000 евра, „Фолиу винд“ го платил 47.000 евра, додека „Фату ди Поџо“ 42.000 евра.
Така тој потрошил вкупно 143.000 евра на три коњи и само уште еднаш ја покажал својата страст.
Јокиќ претходното лето го потпиша и најголемиот договор во историјата на кошарката, според кој во следните години ќе заработи 240 милиони долари.
Per consolarsi dopo la sconfitta di ieri, Nikola Jokic oggi ha speso 54.000 euro per comprare il cavallo italiano chiamato "Farid Mil", alle aste del trotto che si svolgono fino a domani a Busto Arsizio. https://t.co/SoXREKfs8E pic.twitter.com/Yf1ZJUGjSl
— La Giornata Tipo (@parallelecinico) September 12, 2022
Фото: Isaiah J. Downing-USA TODAY Sports